Pidarta inggih punika bebaosan sane kawedar daging pikayun ring ajeng anak sareng akeh mangda napi sane kawedar utawi kabaosang mangda karesepang tur kalaksanayang.
Metode Maktayang Pidarta wenten 3, inggih punika :
1. Pidarta Tutur = pidarta sane kawedar utawi kabaktayang sangkaning dadakan (nenten madasar pangrecana).
2. Pidarta Ardatutur = pidarta sane kawedar utawi kabaktayang nganggen reringkesan utawi skema.
3. Pidarta Sasuratan = pidarta sane kawedar utawi kabaktayang nganggen teks.
Wangun Pidarta, wenten 3 paletan sekadi :
1. Pamahbah / Purwaka
- Nyinahang sang sane rauh utawi pamilet acara
- Pangastuti / Pangastawa
- Pangayubagia miwah panyuksema
- Nyinahang angga
2. Daging Pidarta
- Tema utawi unteng daging bebaosan
- Indik unteng karya sane kalaksanayang
- Madaging indik tatujon bebaosan
- Madaging indik pangapti (harapan)
3. Pamuput
- Nyutetang daging bebaosan
- Matur suksema ring pamiarsa antuk uratiannyane
- Nunas pangampura : indik basa sane kawedar utawi atur panyanggra
: indik kawentenan genah
: indik aturan panamiu utawi pisuguh
- Parama santi
Panureksan Pidarta
1. Pengelolaan Tema = paiketan bebaosan pantaraning murda pidarta miwah tema pidarta mangda anut.
2. Bahasa = ngininin indik suara (vokal), pelapalan, anggah ungguhing basa sane patut.
3. Penguasaan Materi = pamidarta kaaptiang lancar maktayang pidarta antuk basa ngraga nenten nganggen teks.
4. Amanat = indik nilai-nilai miwah pabesen (pesan), nilai karakter nganutin topik.
5. Penampilan = ngininin indik bahasa tubuh (wiraga) sang pamidarta mangda lengut nganutin abah pamidato.
Tetikesan Mapidarta :
1. Wicara = ngininin indik pengelolaan tema pidarta
2. Wiraga = bahasa tubuh utawi abah sang sane maktayang pidarta
3. Wirama = indik tata suara sane mapaiketan ring alunan suara utawi intonasi ngwedar basa Bali.
4. Wirasa = penghayatan ritatkala maktayang pidarta.
5. Wisata = paindikan nyobiahang pidarta mangda prasida dangan antuka ngresepang dagingnyane.
Istilah sane mapaiketan ring pidarta :
1. Dharma Tula = pabligbagan umum (diskusi)
2. Widya Tula = pabligbagan saindik-indik daging kaweruhan
3. Dharma Suaka = bebaosan ngaptiang dukungan suara
4. Sima Krama = patemuan madharma suaka
5. Saur Pitaken = tanya jawab